قطــوف من اللغة العربية
السلام عليكم و رحمة الله تعالى وبركاته

أهلا وسهلا
بالضيف الكريم
رجاء عرف بنفسك و ادخل منتدى قطــوف من اللغة العربية
إن لم يكن لديك حساب ندعوك للتسجيل معنا


منتدى علوم اللغة العربية و الثقافة العربية
 
الرئيسيةالرئيسية  اليوميةاليومية  الأحداثالأحداث  المنشوراتالمنشورات  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
BISKRA
المواضيع الأخيرة
» بين الضاد و الظاء ** من أسرار اللغة العربية **
الثلاثاء يوليو 17, 2018 4:17 pm من طرف djafri07

» أمثال شعبية جزائرية
الجمعة يوليو 13, 2018 4:46 pm من طرف djafri07

» كيفية إعداد أرضية المنزل ااتبليط أو وضع السيراميك
الخميس يوليو 12, 2018 4:06 pm من طرف djafri07

» إعرابات ثابتة في اللغة العربية
الأربعاء يوليو 04, 2018 4:40 am من طرف djafri07

» كوفراج دالة و بلكون بالصور
الخميس أبريل 12, 2018 9:09 am من طرف djafri07

» كوفراج دالة مسجد في بسكرة
الإثنين أبريل 09, 2018 9:40 pm من طرف djafri07

» كوفراج دالة بالصور
الخميس أبريل 05, 2018 7:06 am من طرف djafri07

» فيلم أنا مش حرامية
الخميس أبريل 05, 2018 6:36 am من طرف djafri07

» دورة مياه سيراميك برتقالي
الثلاثاء أبريل 03, 2018 2:58 pm من طرف djafri07

» دورة مياه سيراميك أزرق
الثلاثاء أبريل 03, 2018 2:50 pm من طرف djafri07

المواضيع الأكثر نشاطاً
سجل دخولك اليومي الى المنتدى بالصلاة على النبي محمدعليه الصلاة والسلام
أول يوم تقاعد لأستاذ مادة اللغة العربية محمد الصغير جعفري
ادعو لأخيكم و زميلكم في المنتدى و المشرف الصغير radwane بالشفاء
ما اروع ان تبتسم
رضوان مبروك النجاح و الصعود الى القسم الأعلى
جيل لن يتكرر
لمسات هندية ساحرة....
هديه مني لكم
من أجلك...... أمي
اريدك ياستاذ
جديد المنتدى

ضع بريدك الالكتروني

أعلام بلدان زوار المنتدى
Flag Counter
TV online
width="550" scrolling="auto"
طالع الصحف الوطنية













شاطر | 
 

 قصيدة سعبية يا للي سألتني عن الحب

اذهب الى الأسفل 
كاتب الموضوعرسالة
djafri07
المدير العام
المدير العام
avatar

ذكر
عدد المساهمات : 1867
نقاط : 4842
تاريخ التسجيل : 26/05/2012
الموقع : بسكرة

مُساهمةموضوع: قصيدة سعبية يا للي سألتني عن الحب   السبت مارس 19, 2016 10:49 am





يا للي سألتني عن الحب = و قلتلي بالله خويا وعلاه
ما تحاولش كاش ما تكتب = وتقولي برك وين نلقاه
عييت نقلب شرق و غرب = وين يقولولي نستناه
لقيتو كامل كذب في كذب = ما تلاقيتو ماعرفت معناه
لا قريب و لا صاحب = و لا حبيب نعيش معاه
حياتي كامل و أنا نجرب = واحد ما لقيتو يسواه
مانيش فاهم هذا القلب = و كأنه ضد مولاه
يحب يشقى يحب يتعذب = يحب الواحد لي ينساه
و ساعات تلقاني نحب = لي يكرهني نجري موراه
و لي يحبني و ليا يقرب = نهرب عليه مافهمتش علاه
حاول خويا كاش ماتكتب = الجواب راني نستناه
راح نحاول باش نجاوب = و ماراكش وحدك حاصل لله
هو الحب هكذا يحب = يجري و يطوع مولاه
مايفيدوش معاه تجارب = ما يفيد ملك و لا جاه
شحال طوع من محارب = و حسرة شحال من فارس بكاه
و جيت لعندي أنا نجاوب = و الله ماراني فاهم علاه
راح نديرلك واش راك تطلب = على ما نظن و العلم لله
أنت قلبك راه مخرب = و ما راكش عارف حتى وين راه
دير في بالك هذاك الحب = لي يهرب و أنت تجري موراه
و لما يجري و أنت تهرب = عمرك ماتقعد معاه
على خاطر هذا لعب = مديور للي يتبع هواه
ما تنال منو غير التعب = ديرو كيما خيالك و انساه
فرغ قلبك و عاود رتب = و خلي عقلك يخدم معاه
و قبل ما تحب لازم تحسب = باش كي تمدو تمدو لمولاه
هيا نبداو من أول حب = ….أول حب هو الله
لي عطاك هذاك القلب = لي راك تحوس باش تملاه
و لوكان ليه تقرب = أقرب منك رايح تلقاه
ماشي كيما الحب لي يهرب = و انت تبقى تجري موراه
و بعده يجي ثاني حب = هو حبيبنا و حبيب الله
عليه الصلاة و السلام تعب = باش وفرلك الدين تقراه
حبو علي و عليك واجب = سعدو المرء للي بغاه
المرء يحشر مع من يحب = تخيل روحك قاعد معاه
و من بعد ثالث حب = أنه الواحد يحب يماه
تسع شهور و هو يتقلب = و هي مسكينة تتقلب معاه
سنين و سنين و هي تتعذب = وين يطيح يلقاها حداه
حتى نهار يولي شايب = يبقى طفل في عيون يماه
و من بعدها رابع حب = أنو الواحد يحب باباه
لأنه خرج من بين الصلب = و الترائب لي جواه
شحال شقا و شحال تعذب = باش كبر و باش رباه
دير في بالك كل ما تمد = أنت و مالك ملك له
و من بعد خامس حب = هو الشريك لي تعيش معاه
دير في بالك نهار تتحاسب = نصف الدين هو تلقاه
تعيش معاه بلي كتب = و تتقاسمو كل شي نتا وياه
و تتعاشرو و معاه تنجب = طفل صغير لعقايب تلقاه
و هذاك الطفل سادس حب = ماتحبش ولد دون سواه
سبعة داعب و سبعة أتعب = و سبعة صاحب دور معاه
و من بعد يجي سابع حب = من رحم واحد نتا وياه
خوك خوك لايغرك صاحب = حتى الصاحب في الشدة تلقاه
و من بعد الصاحب الأقارب = و الجار لي تسكن حداه
و من بعدهم تقدر تحب = كل مومن في طريقك تلقاه
و المريض لي راه يتعذب = دقيقة واحدةاقسمها معاه
طل عليه إذا كان تحب = ربي سبحانه ثم تلقاه
و اليتيم لي فقد الأب = ولا حتى فقد يماه
مسح على راسو و بدا تحسب = في كل شعرة أجر تلقاه
و الفقير للي ما كسب = و لي ما لحق حتى قوت عشاه
واش راك تاكل واش راك تشرب = يالوكان خبزة اقسمها معاه
و زيد و زيد و لوكان نحسب = ما نيش رايح نحبس لله
يا لي مبحر شرق و غرب = و مخلي كلشي موراه
و يا لي سألتني عن الحب = بالنسبة لي هذا معناه
و إذا ما عجبكش الله غالب = روح تحوس وين تلقاه



[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://djafri07.yoo7.com
 
قصيدة سعبية يا للي سألتني عن الحب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قطــوف من اللغة العربية :: الإدارة العامة :: أدب شعبي-
انتقل الى: